5 രിയാദുസ്സ്വാലിഹീൻ - باب الإخلاص وإحضار النية في جميع الأعمال والأقوال البارزة والخفية

ഇമാം നവവി റഹിമഹുല്ലാഹ്( يحيى بن شرف بن مري بن حسن الحزامي الحوراني النووي الدمشقي الشافعي)അവർകളുടെ(AH 631 – 676), രിയാദുസ്സ്വാലിഹീൻ മിൻ കലാമി സയ്യിദിൽ മുർസലീൻ رياض الصالحين من كلام سيد المرسلين

CLASS – 5

1441 (05.07.2020)

അവതരണം : ജസീല ബിൻത് ഉമർ നാലകത്ത് , തിരുവനന്തപുരം)

ഈ ക്ലാസ്സ് യു റ്റിയൂബിൽ കാണാൻ താഴെ ലിങ്കിൽ ക്ലിക്ക് ചെയ്യുക:

https://youtu.be/dWPt9bbx3JY

باب الإخلاص وإحضار النية في جميع الأعمال والأقوال البارزة والخفية

ബാഹ്യവും ആന്തരീകവുമായ മുഴുവന്‍ വാക്കുകളിലും പ്രവൃത്തികളിലും ഉദ്ദേശ്യ ശുദ്ധിയും  ഇഖ്‌ലാസും ഉണ്ടാവേണ്ടതിന്റെ ആവശ്യകത(ഹദീസുകൾ തുടരുന്നു )

 4ഹദീസ്

وعن أبي عبد الله جابر بن عبد الله الأنصاري  رضي الله عنهما قال: كنا مع النبي صلي الله عليه وسلم في غزاة فقال إِنَّ بِالْمَدِينَةِ لَرِجَالاً مَا سِرْتُمْ مَسِيرًا وَلاَ قَطَعْتُمْ وَادِيًا إِلاَّ كَانُوا مَعَكُمْ حَبَسَهُمُ الْمَرَضُ ‏) وفي رواية  (إلا شركوكم في الأجر رواه مسلم

ജാബിര്‍ റദിയല്ലാഹു അന്ഹു  റിപ്പോർട്ട് ചെയ്യുന്നു: ഞങ്ങള്‍ നബി സ്വല്ലല്ലാഹു അലൈഹി വ സല്ലമയുടെ  കൂടെ ഒരു പട നീക്കത്തിലായിരുന്നപ്പോള്‍ അവിടുന്ന് പറയുകയുണ്ടായി: നിങ്ങളുടെ കൂടെ താഴ്‌വാരങ്ങളും സമതലങ്ങളും താണ്ടിക്കടന്ന് യാത്രചെയ്യുന്ന ഒരു വിഭാഗ മാളുകള്‍ മദീനയിലുണ്ട്(മനസ്സുകൊണ്ട് അവര്‍ നിങ്ങളുടെ കൂടെത്തന്നെയായിരുന്നു). നിങ്ങളുടെ കൂടെ പുറപ്പെടുന്നതില്‍ നിന്നും അവര്‍ക്ക് തടസ്സമായത് രോഗമായിരുന്നു. ചില റിപ്പോര്‍ട്ടുകളില്‍  , ‘എന്നാല്‍ പ്രതിഫല ത്തിന്റെ കാര്യത്തില്‍ അവര്‍ നിങ്ങളോടൊപ്പം തന്നെയാണുള്ളതെന്നും’കൂടിയുണ്ട് . (മുസ്‌ലിം)

http://www.malayalamquransearch.com/riyad_us_saliheen/?p=4

ورواه البخاري عن أنس رضي الله عنه قال

رجعنا من غزوة تبوك مع النبي صلي الله عليه وسلم فقال

‏ إِنَّ أَقْوَامًا بِالْمَدِينَةِ خلفنا، مَا سَلَكْنَا شِعْبًا وَلاَ وَادِيًا إِلاَّ وَهُمْ مَعَنَا،  حَبَسَهُمُ الْعُذْرُ

ആശയം : അനസ് റദിയല്ലാഹു അന്ഹു   പറഞ്ഞതായി ബുഖാരി റഹിമഹുല്ലാഹ് റിപ്പോർട്ട് ചെയ്യുന്നു: ഞങ്ങൾ നബി സ്വല്ലല്ലാഹു അലൈഹി വ സല്ലമയുടെ കൂടെ തബൂക്ക് യുദ്ധം കഴിഞ്ഞു മടങ്ങുകയായിരുന്ന സമയത്ത് നബി സ്വല്ലല്ലാഹു അലൈഹി വ സല്ലമ പറഞ്ഞു :നമ്മുടെ കൂടെ അല്ലാഹുവിന്റെ മാർഗ്ഗത്തിൽ ഇറങ്ങിപ്പുറപ്പെടാൻ സാധിക്കാതെ  മദീനയിൽ തങ്ങിയ കുറച്ചു ആളുകളുണ്ട് ,അവർ മനസ്സ് കൊണ്ട് നമ്മുടെ കൂടെ ആയിട്ടല്ലാതെ നമ്മൾ ഒരു താഴ്വരയും ഒരു വഴിയും താണ്ടിയിട്ടില്ല ; ന്യായമായ കാരണങ്ങൾ ആണ് അവർക്കു പുറപ്പെടാൻ തടസ്സമായത്

https://sunnah.com/riyadussaliheen/introduction/4

ഇമാം നവവിയുടെ റിയാദുസ്സ്വാലിഹീൻ ഇബ്നു  ഉസൈമീൻ അവർകളുടെ ശറഹു സഹിതം

https://al-maktaba.org/book/9260/26#p1

വിശദീകരണം:

ഒരു സത്യവിശ്വാസിയുടെ നല്ല നിയ്യത്തിന് പോലും അല്ലാഹു പ്രതിഫലം നൽകുന്നു എന്ന് ഈ ഹദീസിൽ നിന്ന് മനസ്സിലാക്കാം.അതായത് ഒരു സത്യവിശ്വാസി ഒരു സൽകർമ്മം ചെയ്യാൻ ഉദ്ദേശിച്ചു ; എന്നാൽ അയാൾക്ക് ന്യായമായ കാരണങ്ങളാൽ അത് ചെയ്യാൻ സൗകര്യപ്പെട്ടില്ല .എന്നിരുന്നാൽ തന്നെയും കാരുണ്യവാനായ അല്ലാഹു അവന്റെ ആ നല്ല ഉദ്ദേശ്യത്തിനു തന്നെ പ്രതിഫലം നൽകും.

                എന്നാൽ ഒരു ഒരു സത്യവിശ്വാസി ഒരു  തിന്മ ചെയ്യാൻ ഉദ്ദേശിക്കുകയും പക്ഷെ , അല്ലാഹുവിനെ ഭയന്ന് കൊണ്ട് അവൻ ആ തിന്മയിൽ നിന്ന് ഒഴിവാകുകയും ചെയ്‌താൽ അവനു ഒരു നന്മ ചെയ്തതിന്റെ പ്രതിഫലം അല്ലാഹു നൽകും എന്ന് കൂടി നാം ഇതോടൊപ്പം മനസ്സിലാക്കേണ്ടതാണ് .അറിയുക എത്രയോ കാരുണ്യവാൻ  ആണ് അല്ലാഹു.

സ്വഹീഹുൽ ബുഖാരിയിലെ ഒരു ഹദീസ് കാണുക:

قَالَ رَسُولُ اللَّهِ صلى الله عليه وسلم ‏إِذَا مَرِضَ الْعَبْدُ أَوْ سَافَرَ، كُتِبَ لَهُ مِثْلُ مَا كَانَ يَعْمَلُ مُقِيمًا صَحِيحًا

ആശയം : അല്ലാഹുവിന്റെ റസൂൽ സ്വല്ലല്ലാഹു അലൈഹി വ സല്ലമ പറഞ്ഞു : ; ഒരു ദാസൻ രോഗിയാവുകയോ യാത്ര ചെയ്യുകയോ ചെയ്‌താൽ  ( അത്  കാരണത്താൽ അയാൾക്ക് പൂർണതോതിൽ സത്കർമ്മങ്ങൾ ചെയ്യാൻ സാധിക്കാതെ വന്നാൽ പോലും  ) അയാൾക്ക് അയാൾ നാട്ടിൽ താമസിക്കുമ്പോഴും ആരോഗ്യം ഉള്ളപ്പോഴും എങ്ങിനെ സത്കർമ്മങ്ങൾ ചെയ്തിരുന്നുവോ അത് പോലെയുള്ള പ്രതിഫലം നൽകപ്പെടും.

https://sunnah.com/bukhari/56/205

സ്വഹീഹ് മുസ്ലിമിൽ വന്നിട്ടുള്ള മറ്റൊരു ഹദീസ് ശ്രദ്ധിക്കുക:

عَنْ أَبِي هُرَيْرَةَ، قَالَ قَالَ رَسُولُ اللَّهِ صلى الله عليه وسلم ‏ ‏ مَنْ هَمَّ بِحَسَنَةٍ فَلَمْ يَعْمَلْهَا كُتِبَتْ لَهُ حَسَنَةً وَمَنْ هَمَّ بِحَسَنَةٍ فَعَمِلَهَا كُتِبَتْ لَهُ عَشْرًا إِلَى سَبْعِمِائَةِ ضِعْفٍ وَمَنْ هَمَّ بِسَيِّئَةٍ فَلَمْ يَعْمَلْهَا لَمْ تُكْتَبْ وَإِنْ عَمِلَهَا كُتِبَتْ

ആശയം : അബൂ ഹുറൈറ റദിയല്ലാഹു അന്ഹു  റിപ്പോർട്ട് ചെയ്യുന്നു:  അല്ലാഹുവിന്റെ റസൂൽ സ്വല്ലല്ലാഹു അലൈഹി വ സല്ലമ പറഞ്ഞു :  ഒരാൾ ഒരു നന്മ ചെയ്യാൻ ഉദ്ദേശിക്കുകയും എന്നാൽ അവൻ അത് ചെയ്യാൻ സാധിക്കാതിരിക്കുകയും ചെയ്‌താൽ അവൻ ഒരു നന്മയായി രേഖപ്പെടുത്തപ്പെടും .എന്നാൽ ഒരാൾ ഒരു നന്മ ചെയ്യാൻ ഉദ്ദേശിക്കുകയും ആ നന്മ പ്രവർത്തിക്കുകയും ചെയ്‌താൽ അവനു പത്ത് മുതൽ എഴുനൂറു ഇരട്ടി വരെ പ്രതിഫലം രേഖപ്പെടുത്തപ്പെടും( ധാരാളം ഇരട്ടികൾ വരെ എന്നും ചില ഹദീസുകളിൽ കാണാം). എന്നാൽ  ഒരു  തിന്മ ചെയ്യാൻ ഉദ്ദേശിക്കുകയും പക്ഷെ അവൻ ആ തിന്മയിൽ നിന്ന് ഒഴിവാകുകയും ചെയ്‌താൽ ആ തിന്മ രേഖപ്പെടുത്തപ്പെടുന്നില്ല (മറ്റു ചില ഹദീസുകളിൽ അത് ഒരു നന്മയായി രേഖപ്പെടുത്തപ്പെടും എന്നും വന്നിട്ടുണ്ട്); ആ  തിൻമ അവൻ പ്രവർത്തിച്ചാൽ അത് (ഒരു തിന്മയായി മാത്രം ) രേഖപ്പെടുത്തപ്പെടും

https://sunnah.com/muslim/1/244

JOIN US 8848787706