CLASS–9 രിയാദുസ്സ്വാലിഹീൻ - باب الإخلاص وإحضار النية

 

السلام عليكم

ഇമാം നവവി റഹിമഹുല്ലാഹ്( يحيى بن شرف النووي)

അവർകളുടെ(AH 631 – 676), രിയാദുസ്സ്വാലിഹീൻ മിൻ കലാമി സയ്യിദിൽ മുർസലീൻ

 رياض الصالحين من كلام سيد المرسلين

എന്ന കിതാബിൽ നിന്ന്:

1441 (02.08.2020)

باب الإخلاص وإحضار النية في جميع الأعمال والأقوال البارزة والخفية

ബാഹ്യവും ആന്തരീകവുമായ മുഴുവന്‍ വാക്കുകളിലും പ്രവൃത്തികളിലും ഉദ്ദേശ്യ ശുദ്ധിയും  ഇഖ്‌ലാസും ഉണ്ടാവേണ്ടതിന്റെ ആവശ്യകത(ഹദീസുകൾ തുടരുന്നു )

CLASS –9

അവതരണം : ജസീല ബിൻത് ഉമർ നാലകത്ത് , തിരുവനന്തപുരം)

ഈ ക്ലാസ്സ് യു റ്റിയൂബിൽ കാണാൻ താഴെ ലിങ്കിൽ ക്ലിക്ക് ചെയ്യുക:

https://youtu.be/-2lAOR_o1V0

ഹദീസ് 8

 عَنْ أَبِي مُوسَى قَالَ سُئِلَ رَسُولُ اللَّهِ صلى الله عليه وسلم عَنِ الرَّجُلِ يُقَاتِلُ شَجَاعَةً وَيُقَاتِلُ حَمِيَّةً وَيُقَاتِلُ رِيَاءً أَىُّ ذَلِكَ فِي سَبِيلِ اللَّهِ فَقَالَ رَسُولُ اللَّهِ صلى الله عليه وسلم ‏ "‏ مَنْ قَاتَلَ لِتَكُونَ كَلِمَةُ اللَّهِ هِيَ الْعُلْيَا فَهُوَ فِي سَبِيلِ اللَّهِ

അബൂമൂസ റദിയല്ലാഹു അന്ഹു റിപ്പോർട്ട് ചെയ്യുന്നു: ധീരത പ്രകടിപ്പിക്കുന്നതിനും, ലോകമാന്യത്തിനും, ഗോത്രമഹിമക്കുവേണ്ടിയും യുദ്ധം ചെയ്യുന്നവരില്‍ ആരാണ്  അല്ലാഹുവിന്റെ മാര്‍ഗത്തില്‍ എന്ന് നബി  സ്വല്ലല്ലാഹു അലൈഹി വ സല്ലമയോട് ചോദിക്കപ്പെട്ടു. അവിടുന്ന് പറഞ്ഞു: ‘അല്ലാഹുവിന്റെ വചനത്തിന്റെ ഉന്നതിക്കു വേണ്ടി പോരാടുന്നവന്‍ മാത്രമാണ്  അല്ലാഹുവിന്റെ മാര്‍ഗത്തില്‍ യുദ്ധം ചെയ്തവനായിത്തീരുക

 https://sunnah.com/muslim/33/215

വിശദീകരണം:

ഇസ്‌ലാമിക രാഷ്ട്രത്തിൽ ഉത്തരവാദപ്പെട്ട ഭരണകൂടം നിർദ്ദേശിക്കുന്നത് പ്രകാരമാണ് സൈന്യം ഇത്തരം യുദ്ധങ്ങളിൽ പങ്കെടുക്കുക ഇസ്‌ലാമിക രാഷ്ട്രത്തിൽ മുസ്ലിംകൾ അല്ലാത്തവർക്കും ജീവിക്കാൻ അവകാശമുണ്ട് . അമുസ്ലിം പൗരന്മാർക്ക് സംരക്ഷണം നൽകലും ഇസ്‌ലാമിക ഭരണകൂടത്തിന്റെ ബാധ്യതയാണ്.  ആഭ്യന്തരമായോ വൈദേശികമായോ ആക്രമണങ്ങൾ ഉണ്ടാകുമ്പോൾ ഭരണകൂടം നിർദ്ദേശിക്കുന്നത് പ്രകാരമാണ് സൈന്യം യുദ്ധത്തിൽ  പങ്കെടുക്കുക.ഇത്തരത്തിൽ യുദ്ധത്തിൽ പങ്കെടുക്കുന്നവർ അല്ലാഹുവിന്റെ മാർഗ്ഗത്തിൽ യുദ്ധം ചെയ്യുന്നതായി പരിഗണിക്കപ്പെടും - ഇസ്‌ലാമിക രാഷ്ട്രത്തിലെ അമുസ്ലിം പ്രജകൾക്ക് നേരെ ആക്രമണം ഉണ്ടായാൽ അത് ചെറുക്കുന്നതും അല്ലാഹുവിന്റെ മാർഗ്ഗത്തിൽ ഉള്ള പോരാട്ടം തന്നെയാണ് . എന്നാൽ ഒരാൾ ധീര യോദ്ധാവ് ആണെന്ന് അറിയപ്പെടുന്നതിനോ ലോക മാന്യത്തിനു  വേണ്ടിയോ ഗോത്രമഹിമക്ക് വേണ്ടിയോ ആണ് യുദ്ധത്തിൽ പങ്കെടുക്കുന്നതെങ്കിൽ അത് അല്ലാഹുവിന്റെ മാർഗ്ഗത്തിൽ അല്ല

സ്വന്തം ശരീരത്തെയും സ്വന്തം കുടുംബത്തെയും സഹോദരങ്ങളെയും  അന്യായമായി ആക്രമിക്കുന്നതിനോ സ്വന്തം സ്വത്ത് തട്ടിയെടുക്കുന്നതിനോ മറ്റൊരാൾ ശ്രമിച്ചാൽ അയാളോടു പോരാടുന്നതും ധർമ്മസമരം തന്നെ .അത്തരം പ്രതിരോധത്തിൽ ജീവത്യാഗം സംഭവിച്ചാൽ അവൻ രക്തസാക്ഷി(ശഹീദ് )യുമാണ്. സ്വഹീഹ് മുസ്ലിമിലെ ഒരു ഹദീസ് കാണുക:

عَنْ أَبِي هُرَيْرَةَ، قَالَ جَاءَ رَجُلٌ إِلَى رَسُولِ اللَّهِ صلى الله عليه وسلم فَقَالَ يَا رَسُولَ اللَّهِ أَرَأَيْتَ إِنْ جَاءَ رَجُلٌ يُرِيدُ أَخْذَ مَالِي قَالَ ‏"‏ فَلاَ تُعْطِهِ مَالَكَ ‏"‏ ‏.‏ قَالَ أَرَأَيْتَ إِنْ قَاتَلَنِي قَالَ ‏"‏ قَاتِلْهُ ‏"‏ ‏.‏ قَالَ أَرَأَيْتَ إِنْ قَتَلَنِي قَالَ ‏"‏ فَأَنْتَ شَهِيدٌ ‏"‏ ‏.‏ قَالَ أَرَأَيْتَ إِنْ قَتَلْتُهُ قَالَ ‏"‏ هُوَ فِي النَّارِ

ആശയം: അബൂ ഹുറൈറ റദിയല്ലാഹു അന്ഹു റിപ്പോർട്ട് ചെയ്യുന്നു  ഒരിക്കൽ അല്ലാഹുവിന്റെ റസൂൽ  സ്വല്ലല്ലാഹു അലൈഹി വ സല്ലമയുടെ അടുത്ത് ഒരാൾ വന്നു ഇപ്രകാരം ചോദിച്ചു: അല്ലാഹുവിന്റെ റസൂലേ .. ഒരാൾ എന്റെ സ്വത്ത് അന്യായമായി പിടിച്ചെടുക്കാൻ വന്നാൽ (ഞാൻ എന്ത് ചെയ്യണമെന്നാണ്)അങ്ങയുടെ അഭിപ്രായം?അപ്പോൾ റസൂൽ പറഞ്ഞു: അയാൾക്ക് കീഴടങ്ങി സ്വത്ത് വിട്ടു കൊടുക്കരുത് .ആ വ്യക്തി തിരിച്ചു ചോദിച്ചു: 'അയാൾ എന്നോട് പോരാടിയാലോ? റസൂൽ പറഞ്ഞു: അയാളോടും പോരാടുക .വീണ്ടും അദ്ദേഹം ചോദിച്ചു: അയാൾ എന്നെ വധിച്ചാലോ? റസൂൽ പറഞ്ഞു: എങ്കിൽ നീ ശഹീദ് (രക്തസാക്ഷി).അദ്ദേഹം വീണ്ടും ചോദിച്ചു: അയാളെ ഞാൻ വധിച്ചാലോ ? അപ്പോൾ റസൂൽ പറഞ്ഞു: എങ്കിൽ അയാൾ നരകത്തിൽ ആയിരിക്കും

https://sunnah.com/muslim/1/267

ഒരാൾ നമ്മുടെ വീട്ടിൽ അതിക്രമിച്ചു കയറി മോഷണത്തിനോ കൊലപാതകത്തിനോ ഒക്കെ ശ്രമിച്ചാൽ പ്രതിരോധാവശ്യാർത്ഥം  അയാളുമായി പോരാടാമെന്ന് ഈ ഹദീസിൽ നിന്ന് വ്യക്തമാണ്. (Private defence of the body and of property എന്നത് ഇന്ത്യൻ പീനൽ കോഡിലും അടങ്ങിയിട്ടുണ്ട്. ഉദാഹരണമായി ഐ. പി. സി സെക്ഷൻ 100)

 

(കൂടുതൽ വിശദീകരണങ്ങൾക്കു ദലീലുൽ ഫാലിഹീൻ , ശറഹു ഇബ്നു ഉസൈമീൻ എന്നിവ നോക്കുക)

https://al-maktaba.org/book/9260/59#p1

https://www.hadithportal.com/index.php?show=hadith&h_id=8&uid=0&sharh=9000&book=756&bab_id=2

RIYADUSSALIHEEN CLASSES PLAY LISTS:

https://www.youtube.com/watch?v=UBaXcT3UDJA&list=PLf1c4fdPOOYChB9e58DF61gRgKa9ts0ID

https://www.youtube.com/watch?v=KG748B24XjI&list=PLf1c4fdPOOYCymM2ncHeEbP7K6q5FH8PA

 

പ്രിയപ്പെട്ട സഹോദരീ സഹോദരൻമാരേ...

നോട്ട്സ് കൂടി വായിക്കുക.

യു ട്യൂബ് ലിങ്കിൽ ക്ലിക്ക് ചെയ്ത് വീഡിയോ കാണാൻ സൗകര്യമുള്ളവർ അങ്ങിനെ ചെയ്യുക

നിങ്ങൾ കേട്ട ശേഷം നിങ്ങളുടെ കുടുംബ ഗ്രൂപ്പുകളിലേക്കും മറ്റും ഇസ്ലാമിക ഗ്രൂപ്പുകളിലേക്കും ഷെയർ ചെയ്യാൻ സാധിക്കുമെങ്കിൽ ഷെയർ ചെയ്യുക